Húsnæðið sem verið er að festa kaup á verður að uppfylla skilyrði fyrir lögheimilisskráningu, þ.e. það þarf að vera skráð í fasteignaskrá sem íbúðarhúsnæði sem hefur að lágmarki náð byggingarstigi 4 (fokhelt). Staðfesting Þjóðskrár Íslands lýtur að því hvort að viðkomandi einstaklingur hafi verið, eða sé, skráður eigandi að fasteign sem skráð er íbúðarhúsnæði í fasteignaskrá Þjóðskrár Íslands á tímabilinu 1994 til dagsins í dag. Þessar upplýsingar eru óháðar aldri skráðs eiganda eða eignarhlutfalli.
Þjóðskrá Íslands getur einungis staðfest skráða eigendur í fasteignaskrá frá árinu 1994 til dagsins í dag.
Upplýsingar: Þær upplýsingar sem birtast á staðfestingu Þjóðskrár Íslands eru samkvæmt fasteignaskrá Þjóðskrár Íslands og þinglýsingakerfi sýslumanna.
